[center]قصيدة مؤثره


هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) نترككم مع القصيده

وين أنت يا حمدان امك تناديك .. وراك ما تسمع شكايا وندايا

يا ولدي قلبي على الدوم يطريك .. ما غبت عن عيني وطيفك سمايا

هذي ثلاث سنين والعين تبكيك .. ما شفت زولك زاير يا ضنايا

تذكر حياتي يوم اشيلك واداريك . . وألعبك دايم وتمشي ورايا

ترقد على صوتي وحضني يدفيك . ما غيرك أحدٍ ساكن في حشايا

وإذاا مرضت أسهر بقربك وأداريك .. ما أذوق طعم النوم صبح ومسايا

ياما عطيتك من حناني وبعطيك .. تكبر وتكبر بالأمل يا منايا

لكن خساره بعتني اليوم وشفيك .. واخلصت للزوجه وانا لي شقايا

انا ادري انها قاسيه ما تخليك .. قالت عجوزك ما ابيها معايا

خليتني وسط المصحه وانا ارجيك .. هذا جزء المعروف وهذا جزايا

يا ليتني خدامة بين اياديك .. من شان اشوفك كل يوم ياضنايا

مشكور يا ولدي وتشكر مساعيك .. وادعي لك الله دايم بالهدايا

حمدان يا حمدان امك توصيك .. اخاف ما تلحق تشوف الوصايا

اوصيت دكتور المصحه بيعطيك . رسالتي واحروفها من بكايا

وان مت لا تبخل علي بدعاويك .. واطلب لي الغفران وهذا رجايا

وامطر تراب القبر بدموع عينيك .. وما عاد ينفعك الندم والنعايا

(حسبي الله ونعم الوكيل)[/center]